Naceu o 5 abril de 1919 en Lugo, e morreu en Lourenzá o 4 xaneiro de 2011.
Seus pais foron Isidoro Valcarce López (Cacabelos, León, industrial en Lugo) e Isidora Pestaña Amigo (Cacabelos, profesora na Escola de Maxisterio de Lugo). Tivo seis irmáns: María Luisa (licenciada en Químicas e mestra), Trinidad (licenciada en Químicas e mestra), Lucio Isidoro (fiscal), Emma Pilar (licenciada en Farmacia e mestra), Fernanda (licenciada en Pedagoxía e Psicoloxía, e inspectora de Ensinanza Media) e Jose Luis (enxeñeiro superior de Camiños, Canais e Portos e empresario).
Casou con Alfredo Vázquez Rodríguez (terratenente), e tivo dous fillos: Alfredo Isidoro (administrativo) e Victoria Elena (licenciada en Farmacia que exerce na farmacia da súa nai en Lourenzá). A súa neta Elena é hoxe a farmacéutica de Vilanova de Lourenzá.
Estudos de Primaria e de Bacharelato
Estudou Primaria en Lugo e nesta mesma cidade fixo o Bacharelato, no Instituto de Segunda Enseñanza. Fixo a carreira de mestra na Escola Normal de Lugo, e obtivo o título o 30 de abril de 1952, exercendo despois de mestra en Castro de Ribeiras de Lea durante un tempo.
Estudos universitarios
Estudou a carreira de Farmacia na Universidade de Santiago de Compostela en tan só tres anos, de 1939 a 1942.
Carreira profesional
Tivo a oficina de farmacia en Santiago durante un ano, na rúa Preguntoiro. Despois abriu a oficina de farmacia en Vilanova de Lourenzá, onde traballou desde o 24 de febreiro de 1954 ata a súa xubilación.
Anotou en cadernos os productos e receitas que usou na farmacia e que a súa filla conserva e aportou as fotos das mesmas a este estudo.
Inspectora de Sanidade
Foi ademais inspectora de Sanidade de Vilanova de Lourenzá desde o 1 de xaneiro de 1954 ata 1984.
