Naceu o 23 de xaneiro de 1911 en Neira de Jusá, e morreu o 9 de decembro de 2004 en San Cosme de Barreiros.
Seus pais foron Odón Moreno (Neira de Jusá, avogado) e Carmen Sierra (ama de casa). Tivo cinco irmáns. Casou con Manuel Vázquez (médico) e tivo dous fillos: María Victoria (licenciada en Historia da Arte) e Álvaro (administrativo).
Estudos de Primaria e Bacharelato
Estudou Primaria no seu pobo, para facer despois o ingreso no Instituto Nacional de Segunda Enseñanza de Lugo en xuño de 1925. Alí estudou, por ensinanza non oficial, non colexiada, ata o ano 1926, no que traslada o seu expediente a Santiago de Compostela e acada o titulo de bacharel en 1928, no Colexio da Compañía de María de Santiago de Compostela.
Estudos universitarios
Estuda na Facultade de Farmacia da Universidade de Santiago de Compostela entre 1931 e 1934, obtendo o título en 1935.
Carreira profesional
Superou o exame para Inspectora Farmacéutica, posto que exerceu posteriormente.
Tivo farmacia en Baralla, e despois en San Cosme de Barreiros ata a súa xubilación. Foi tamén analista da Seguridade Social.
Outros datos
Recibiu a Medalla de Galicia (Bronce) en 1999 polo seu labor durante os moitos anos que exerceu a súa profesión.
