Naceu o 12 de abril de 1911 en Magazos (Viveiro), e morreu en Santiago de Compostela o 5 de maio de 1988.
Seus pais foron Bernardo González Otero (1873, Vilalba, industrial) e María Rouco Benítez (1883, A Habana), residentes en Magazos.
Seus avós paternos foron Ildefonso González e Andrea Otero (Distriz, Vilalba), e os maternos Manuel Rouco Pernas (Magazos) e Luisa Benítez (Canarias). Tivo cinco irmáns: Manuel, Lidia del Carmen, Ofelia Petronila, Alicia Pilar e Elena Balbina.
Estudos de Primaria e Bacharelato
Estudou Primaria (probablemente) na Escola Indiana de Magazos, e o Bacharelato no Instituto de Enseñanza Media de Lugo.
Estudos universitarios
Estudou Farmacia de 1928 a 1934 na Facultade de Farmacia da Universidade de Santiago de Compostela. Viviu na rúa Cabo Santiago Gómez 9, na Coruña.
Carreira profesional
Comeza a súa vida profesional o 4 de maio de 1938 rexentando a oficina de Farmacia de don Constantino Enríquez Gundín (Carballo, A Coruña), onde estará varios meses. Posteriormente, rexentará a oficina de farmacia de don Carlos Castro Ares (Betanzos, A Coruña), desde o 28 de outubro de 1939 ao 28 de novembro de 1941.
Por fin, pasa a ser titular dunha oficina de farmacia en Santiago de Compostela (rúa Orfas 24) desde o 1 de decembro de 1941 ata o 6 de xuño de 1988.
